Հրավիրում ենք հեղինակների

«Կաճառ/ Ակադեմիա» հասարակագիտական պարբերականի հարգարժա՛ն հեղինակներ․

«Կաճառ/ Ակադեմիա» հասարակագիտական պարբերականի խմբագրակազմը հրավիրում է կրթության և գիտության հիմնախնդիրներով մտահոգ հեղինակների՝ տպագրելու իրենց գիտական հոդվածները:

Խմբագրակազմն ընդունում է միայն նախկինում չհրատարակված բարձրորակ գիտական հոդվածներ՝ բացառապես անգլերենով: Հոդվածի ամփոփումներն անհրաժեշտ է ներկայացնել յուրաքանչյուր լեզվով (անգլերեն, հայերեն) մեկական էջի սահմաններում:

Ներկայացվող գիտական հոդվածը պետք է լինի արդիական, ունենա նորույթ, արտացոլի առաջադրված խնդիրը, հետազոտության մեթոդներն ու գործիքակազմը, նկարագրի հետազոտության հիմնական արդյունքները և եզրահանգումները, ինչպես նաև համապատասխանի հրատարակվելիք հոդվածներին առաջադրված տեխնիկական պահանջներին և ձևավորման սահմանված կանոններին:
Ձեռագիր աշխատանքներն ընդունվում են ամբողջ տարվա ընթացքում և հրատարակվում են՝ ըստ ընդհանուր հերթականության: Ներկայացված բոլոր աշխատանքերը գրախոսվում են:

Խմբագրական խորհուրդն իրավասու է մերժել ներկայացված հոդվածը հեղինակի կողմից հրատարակչական էթիկայի խախտման դեպքում:
Հոդվածը ներկայացնել Microsoft Office Word համակարգով: Հոդվածն ընդունվում է էլեկտրոնային տարբերակով՝ https://katchar.sci.am հասցեով:

Հեղինակները պատասխանատու են տրամադրված տեղեկատվության ճշգրտության համար: