Գրախոսման կարգը և տպագրման պայմանները

«Կաճառ/ Ակադեմիա» հասարակագիտական պարբերականին ներկայացված հոդվածների գրախոսման գործընթացը

Հրատարակման   ներկայացրած յուրաքանչյուր հոդված ենթակվում է երկկողմանի կույր գրախոսման և հաստատվում է խմբագրության կողմից։  Այն իրականացվում է օբյեկտիվության և արդարության սկզբունքներին համապատասխան՝ հիմնվելով ակադեմիական ազատության, գրագողության դեմ պայքարի և պարբերականի էթիկայի կանոնների վրա։

Գրախոսումն իրականացվում է հետևյալ ընթացակարգով․

1. Ստուգվում է համապատասխանությունը պարբերականի ոլորտներին և տեխնիկական պահանջներին։
2. Եթե հոդվածը չի համապատասխանում պարբերականի ոլորտներին կամ տեխնիկական պահանջներին, ապա մերժվում է։ Այդ մասին տեղեկացվում է հեղինակին։
3. Եթե հոդվածն անցնում է նախնական գրախոսումն ու ստուգումը, ապա հետագա մասնագիտական գրախոսման համար այն փոխանցվում է համապատասխան փորձագետին։
4. Գրախոսումն իրականացվում է անանուն գրախոսողի և հեղինակի համար (երկկողմանի կույր գրախոսում) և ներառում է հետևյալ կետերը՝

• հոդվածի նպատակի ձևակերպումը,
• հետազոտության հարցի նախկին լուսաբանման վերլուծությունը,
• հետազոտության խնդրի բացահայտումը,
• հարցի պատասխանը, թե արդյոք հետազոտության մեթոդաբանությունը համարժեք է հետազոտության արդիականությունը,
• հարցի պատասխանը, թե արդյոք հոդվածի բովանդակությունը համապատասխանում է ներածությունում սահմանված նպատակին,
• հարցի պատասխանը, թե արդյոք հոդվածի վերնագիրը համապատասխանում է բովանդակությանը,
• հարցի պատասխանը, թե արդյոք հեղինակը անդրադառնում է արտասահմանյան վերջին գիտական հոդվածներին,
• հարցի պատասխանը, թե արդյոք հաշվի են առնված մեջբերման կանոնները,
• հարցի պատասխանը, թե արդյոք սեղմագիրն ու հիմնաբառերը տեղեկատվական են,
• հարցի պատասխանը, թե արդյոք հոդվածի եզրակացությունները տրամաբանորեն բխումն են հոդվածի բովանդակությունից,
• հարցի պատասխանը, թե արդյոք եզրակացությունները և առաջարկություննրը բավարար պարզ ու ավարտուն են։

1. Գրախոսման արդյունքում կարող է կայացվել հետևյալ որոշումներից մեկը՝

• Երաշխավորվում է հրատարակման՝ առանց հետագա փոփոխությունների։
• Երաշխավորվում է հրատարակման՝ չնչին փոփոխություններով։
• Երաշխավորվում է հրատարակման՝ էական փոփոխություններ կատարելուց հետո։
• Չի երաշխավորվում հրատարակման։

1. Եթե գրախոսության արդյունքում հեղինակին առաջարկվում է հոդվածում կատարել փոփոխություններ, ապա նա դրանք իրականացնում է խմբագրակազմի կողմից նշված ժամանակահատվածում, եթե նման բան առկա է։
2. Անհրաժեշտւթյան դեպքում, խմբագրության որոշմամբ, ձեռագիրը կարող է գրախոսվել նաև մեկ այլ փորձագետի կողմից։
3. Հոդվածի ընդունման և վերջնական բովանդակության հաստատումն իրականացվում է խմբագրության կողմից։
4. Հոդվածները դիտարկվում են՝ ըստ ընդունման հերթականության, գրախոսվում ու հաստատվում են 1-ից մինչև 2 ամիս ժամանակահատվածում։